ងាយស្រួលបញ្ជា

ទីតាំងអង្គុយបើកបររបស់លោកអ្នកមានឥទ្ធិពលទៅលើរាល់ការបញ្ជាគ្រប់មុខងារទាំងអស់នៅក្នុងរថយន្ត ដែលជាចំណុចចាប់ផ្ដើមដំបូងក្នុងការផ្ដល់អារម្មណ៍រីករាយក្នុងការបើកបរផងដែរ ហើយក៏ជាចំណុចដែលរថយន្ត Mazda ផ្ដោតអារម្មណ៍ជាពិសេសមកលើអ្នកបើកបរដើម្បីធានាផ្ដល់នូវការផាសុកភាពសម្រាប់ការអង្គុយបើកបរ និងការបញ្ជារថយន្ត។ ប្លង់ឈ្នាន់ជាន់គឺជាឧទាហរណ៍ដ៏ល្អបំផុតសម្រាប់បង្ហាញចំណុចនេះ។ ដើម្បីដាក់ឈ្នាន់ហ្គ៊ែរឱ្យត្រូវទៅតាមជំហរជើងរបស់អ្នកបើកបរ រថយន្ត Mazda ទាំងអស់បានរចនា ឡើង ដោយផ្ដោតទៅលើទីតាំងបើកបរដែលកង់មុខត្រូវបានរំកិលទៅខាងមុខដើម្បីសល់កន្លែងទូលាយសម្រាប់ទីតាំងឈ្នាន់ឱ្យបាន ត្រឹមត្រូវ។ ការរចនាបែបនេះធ្វើឱ្យទីតាំងអង្គុយរបស់អ្នកបើកបរមានភាពងាយស្រួលសត្រឹមត្រូវតាមជំហរដងខ្លួនដែលអាចឱ្យអ្នកបើកបរអង្គុយបើករថយន្ត ដោយពុំមានការធុញថប់ និងមិនចាំបាច់ប្រើកម្លាំងច្រើនឡើយ។

ម៉ាស៊ីន Skyactiv-G

ម៉ាស៊ីនចំហេះខាងក្នុងធម្មតាប្រើប្រាស់ថាមពលតែប្រមាណ 30% នៃថាមពលដែលអាចមាននៅក្នុងប្រេងឥន្ធនៈដែលម៉ាស៊ីនប្រើប្រាស់៖ ផ្នែកនៅសល់ផ្សេងទៀតត្រូវបានបាត់បង់។ ដូច្នេះរថយន្ត Mazda បានបង្កើតម៉ាស៊ីន Skyactiv-G ជាម៉ាស៊ីនមានប្រសិទ្ធភាពខ្ពស់ដែលសង្កត់ល្បាយខ្យល់-ប្រេងឥន្ធនៈ នៅក្នុងកម្រិតខ្ពស់ខ្លាំងជាងម៉ាស៊ីនធម្មតា ដែលទាញយកថាមពលកាន់តែខ្ពស់ពីគ្រប់តំណក់ប្រេង ឥន្ធនៈ។ កម្រិតនៃការសង្កត់ដ៏ខ្លាំងជាងគេនៅក្នុងចំណោមប្រភេទម៉ាស៊ីនផ្សេងៗទៀតនេះធ្វើឱ្យការបើកបរមានភាពរីករាយ ក៏ដូចជាសន្សំសំចៃប្រេងឥន្ធនៈផងដែរ ហើយម៉ាស៊ីននេះមានភាពល្អប្រសើរជាងមុនតាមរយៈបច្ចេកវិទ្យាច្នៃប្រឌិតរបស់ក្រុមហ៊ុន Mazda រួមទាំងរន្ធចូល និងទ្រង់ទ្រាយពីស្តុងផងដែរ ដែលបែងចែកការបាញ់ប្រេង និងវ៉ាល់គ្រប់គ្រងសារធាតុធ្វើឱ្យត្រជាក់។